Walang biro ang proseso para makakuha ng Travel Visa.
Sa katunayan, ito ang pumipigil sa maraming Pilipino upang magtungo at mamasyal sa ibang bansa. Pero teka, dapat parin magsaya ang lahat ng Pilipinong may pasaporte (kasama na ako)! Gamit lamang ang ating pasaporte, marami tayong bansang maaaring marating, mga kulturang pwedeng kilalanin at mga taong posibleng makilala.
Oo, mabibisita mo ang mga bansang inilista ko dito kahit wala kang visa. Hindi ko na sinali ang mga bansang nasa Timong Silangang Asya (maliban sa isang espesyal na bansa) dahil alam mo na siguro ito.
Tinatamad magbasa? Panoorin mo nalang ito:
Kahit na kabilang sa Association of Southeast Asian Nations (ASEAN) ang Myanmar, nitong 2014 lamang binuksan ng bansa ang kanilang pintuan para sa mga biyaherong Pinoy. Lahat ng Philippine passport holders ay maaaring manatili sa bansa ng walang visa ng hindi lalampas sa 14 araw.
Ano nga bang mayroon sa Myanmar? Marami! Mga pagoda, mga makasaysayang bayan, mga kaakit-akit na tanawin at magagandang tabing-dagat. Sa dami ng pwedeng puntahan, imposibleng maubusan ka ng gagawin. Tamang-tama para sa weekend lakwatsa, o kung gusto mo, manatili kapa ng mas maraming araw para tuklasin ang kariktan ng mahiwagang bansang ito.
Nangangailangan ng visa bago makapasok ng China, pero hindi na ito kailangan sa Mongolia. Ayos, ‘di ba? Pwedeng manatili ang mga Pinoy sa teritoryo ng Mongolia ng 21 araw. Mas maraming araw ito kumpara sa nilaan para sa mamamayan ng mga kalapit na bansa. Lubusin ito at puntahan ang mga sikat na lugar sa Mongolia tulad ng Gobi Desert, Great Bogd Mountain, Khorgo-Terkh National Park, Xilamuren Grassland at marami pang iba.
Basahin din ito: 10 Countries with Easy Visa Access for Filipinos
Para sa maraming Katoliko, nangunguna ang Israel sa mga gusto nilang puntahan dahil maraming pangyayari sa Bibliya ang naganap sa lugar na ito. Tumatagal ang libreng visa sa loob ng tatlong buwan, sapat na panahon upang lubusan pang kilalanin ng mga Katoliko si Kristo, at kung hindi ka man Katoliko, lahat ng history buffs ay matutuwa sa maaari nilang matuklasan tungkol sa Kristiyanismo, isa sa pinakamatandang relihiyon sa mundo. Maliban dito, matutuwa ka rin lumutang sa Dead Sea, ang pinakamaalat at pinakamababang lugar sa mundo.
Ngunit maging listo dahil may balala ang Department of Foreign Affairs (DFA). Parating maging maingat at alerto, at huwag na huwag pupunta o lalapit sa Gaza Strip kung saan nanatiling magulo at delikado.
Maliban sa Asya, may mga bansa rin sa Oceania na maaaring puntahan ng walang visa tulad na lamang ng Fiji. Ang bansang ito ay perpekto para sa snorkelling at scuba diving dahil sa magandang isla, buhay karagatan, at mainit na klima na mararanasan buong taon. Lubusang ma-e-enjoy mo lahat ng ito dahil sinumang may Philippine passport ay maaaring manatili ng apat na buwan nang walang visa.
Basahin din ito: Pilipino Ka Kung… (Travel Edition)
Hindi lang Fiji ang maaaring puntahan sa Oceania nang walang visa. Ang Vanuatu ay sikat ding lugar para mag scuba dive dahil sa natatangi nitong marine life at makukulay na coral reef. Pwede rin ditong mag-wreck diving dahil sa barkong SS President Coolidge na lumubog noong World War II. Dito rin ginanap ang ninth season ng reality TV series “Survivor”. Bakit ‘di mo subukang magpaka-Survivor gamit ang isang buwang visa-free entry mo sa tropikal na paraisong ito?
Mula Oceania, magtungo naman tayo sa Africa! Hindi tulad ng ilang bansa sa Africa na magkakaloob ng Visa On Arrival, hindi na nangangailangan ng visa sa Morocco. Dagat, desyerto, mga camel, at makukulay na pamilihan—imposibleng hindi ka mabibighani sa Morocco. Matatamasa mo ang Europe, Middle East at Africa sa isang destinasyon lamang!
Tumungo naman tayo sa South America. Maraming bansa sa kontinente ang hindi nangangailangan ng visa para sa mga Pinoy, at isa dito ang Brazil. Maaaring manatili sa Brazil ang mga Pinoy nang hindi lalampas nang 90 araw. Ayos, ‘di ba?
Kung hindi ka nakapunta sa bansang ito noong World Cup 2014, ‘wag kang mag-alala dahil sa Rio de Janeiro naman gaganapin ang Summer Olympics 2016. At kung hindi ka naman mahilig sa sports, marami pa ring pwedeng matuklasan sa Brazil, tulad ng Amazon River, Igazu Falls, at ang istatwa ng Christ the Redeemer sa tuktok ng Mt. Corcovado.
Basahin din ito: The Ultimate South America Bucket List: 27 Experiences Every Traveller Must Complete
Isa pang bansa sa South America na maaaring puntahan ng walang visa ay ang Peru. Binibisita ng milyun-milyong tao ang bansang ito taun-taon dahil sa maraming napangalagaang heritage sites at syempre, ang sikat na Machu Picchu. Bakit hindi mo subukang maging kabilang sa statistics at manatili sa Peru nang 183 araw? Ngunit tulad ng maraming bansa, baka ma-culture shock ka sa Peru kaya siguraduhing mabasa mo muna ang mga mahahalagang impormasyon tungkol sa bansa.
‘Wag mong ipangamba ang mahabang kasaysayan ng droga at krimen ng Colombia dahil ginagawan na nila ng paraan upang gawing tourist-friendly at ligtas eto na destinasyon sa South America. Ilan sa magagandang puntahan sa Colombia ay ang Amazon rainforest, Tayrona National Park, Medellin, San Andrés at Providencia, Bogota at Cartagena.
Also read: Top 10 Budget-Friendly Destinations Outside Southeast Asia for Filipinos
Wala na atang mas exciting pa kaysa sa pagpunta sa Ecuador, lalo na sa Galapagos Island. Mayroon kang 90 na araw para halughugin ang malalawak na gubat, tumambay sa mga magagandang beach, at mag-island hopping para makakita ng mga exotic na hayop tulad ng iguana, giant tortoise at iba pa.
Nakapunta ka na ba sa mga bansang ito? Sampu lamang sila sa mga bansang hindi nangangailangan ng visa para sa Philippine passport holders. Tingnan ang buong listahan para malaman mo kung saan mo pwedeng gamiting ang siyam na long weekends ngayong 2016.
Palaging pakatandaan na bago bumiyahe, siguraduhin munang wala talagang kinakailangang visa sa bansang plano mong puntahan. Ngunit ngayon, ang sampung bansang ito ay nananatiling visa free para sa mga Pilipino.
Isinalin galing sa (translated from): 10 Countries Filipinos Probably Didn’t Know They Can Travel To Without Visa
Everything is now digital!
Up, up, and away this May!
Including a massive Leeroy New installation.
A journey through old-world Manila.
Let our guide walk you through pet travel essentials and must-knows!
Boracay by bus? Yes, please.