Itigil Mo na ang Pag-Post ng Iyong Vaccination Card — Delikado Ito

Alam naming nakaka-proud matapos magpabakuna—lalo na kung travel-ready ka na ulit. Pero kahit ngayong 2025, hindi pa rin ligtas na i-post online ang vaccination card mo o kahit digital vax certificate.

Kahit pa COVID-19 na lang ang tinuturok noon, o kung dengue, flu, monkeypox, o travel requirements na ang pinag-uusapan—delikado pa rin i-share ang vaccine documents mo online.

Basahin din: Travel Flexing at Bakit Tayo Mahilig Mag-Post ng Travels?

Ang dahilan kung bakit dapat itigil na ang vaccination card posts

Ang vaccination card mo ay may kumpletong personal info—buong pangalan, birthday, klase ng bakuna, serial number, at kung saan ka nagpabakuna. Akala mo blurred lang sa Story mo? May tech na ngayon na kayang i-enhance ang kahit mababang quality na photo.

Update ngayong 2025: Gumagamit na ang mga scammer ng AI para palinawin ang mga blurred photos sa Stories o posts. Kaya kahit private ang account mo, pwedeng ma-screenshot at gamitin sa identity theft.

Hindi lang vaccine info ang hinahanap ng scammers. Ang data mo sa card ay pwedeng gamitin para:

• Gumawa ng pekeng identity gamit ang pangalan mo

• Mag-hack ng mga account mo

• Magpadala ng scam messages na parang legit

• Lokohin ang mga kaibigan o kamag-anak mo gamit pangalan mo

Sa dami ng phishing at identity theft cases ngayong 2025, kahit simpleng selfie na may vaccination proof ay hindi na ligtas.

Basahin din: Dear Friend Na Feeling Travel Influencer, Push Mo Lang Yan

Akala Mo Safe? Hindi Pa Rin

Kahit naka-“close friends” lang o private ang post mo, pwedeng ma-save, ma-screenshot, at ma-share yan ng iba.

Minsan, old photos pa nga ang ginagamit ng scammers para mahanap ang identity mo. Kahit luma nang vaccination record, pwedeng pagsama-samahin ang details para makabuo ng scam.

Puwede Ka Pa Ring Mag-Share—Pero Mas Safe

Kung gusto mong i-encourage ang iba na magpabakuna rin, may mas safe na paraan para gawin ito:

• Gumamit ng “I Got Vaccinated” sticker o filter sa IG/TikTok

• Mag-post ng photo sa clinic (basta walang card)

• Mag-share ng kwento sa caption mo—hindi na kailangan ng resibo

• Kung digital certificate ang hawak mo, huwag ipakita ang QR code o barcode

Iwasan ang Pagsisisi

Vaccination card mo ay parang ID o passport—hindi siya pang-post. Sa panahon ngayon kung saan mas advanced na ang AI at scams, mas mainam na panatilihing private ang medical records mo.

Nakapagpabakuna ka na, mission accomplished.
Huwag mo nang i-risk ang sarili mo sa post na puwedeng gamitin laban sa’yo.

Isinalin galing sa (translated from): Stop Posting Your Vaccination Cards — It Could Be Used Against You