Habang tumatanda ako, mas nakikita ko kung gaano kagaling ang mga nanay. Aba, kung papipiliin ako ng gaganap sa role ni Darna, nanay ko na ang isasalang ko! Kaya niya lahat, eh. Nagtatrabaho siya sa umaga, tapos nag-aalaga naman siya pagkauwi. Mayroon siyang superhuman speed — kaya niyang maghugas ng pinggan sa ilalim ng limang minuto. Kaya rin niyang paputiin lahat ng pawisan kong damit.
Kaya niyang umire ng bata! Aba, kung hindi pa ba ‘yun senyales ng pagiging superhero ay ewan ko na lang.
Magaling pa nanay ko kaysa kina Liza Soberano, Nadine Lustre, at kung sino mang artista ang pusta niyo. Pero huwag niyo akong i-bash, ha! Alam kong masasabi niyo rin ‘to tungkol sa mga nanay niyo. Sa rami ng tinuro nila satin, naging certified travellers tayo. Kaya naman, dapat lang nating alalahanin ang mga turo ng nanay sa atin.
In nanay’s words: “O eto, baon mo.”
Ayaw na ayaw ni nanay na nagugutom tayo. Kapag nasa biyahe, lagi siyang may dalang baon. Hindi siya nauubusan! Kahit sa pagtanda natin, sinisigurado ni nanay na busog tayo palagi. Bago tayo umalis ng bahay, binibigyan pa tayo palagi ng pabaon. Magandang travel tip ito, lalo na kung budgetarian tayo.
In nanay’s words: “Magmano ka, tita mo ‘yan!”
Lahat ng tao, kapamilya mo. Kaya naman, dapat maging mabait tayo sa lahat. Hindi naman sa kailangang mag-mano sa hindi mo kakilala, pero dapat laging friendly. Lalo na kapag nasa abroad tayo. Lahat ng Pinoy, kamag-anak natin. Pwede natin silang kausapin. Pwede natin silang pagtanungan ng direksyon o masarap na kainan. Matutuwa pa ang mga ‘yan, kasi pampaalis homesickness ang kababayan.
In nanay’s words: “Sus, kayang kaya kong lutuin ito. Nilagyan lang nila ng bauang at maraming paminta.”
Bakit mo uubusin pera mo sa five-star restaurants kung kaya mo namang pumuntang palengke at magluto na lang? Maliban sa makakamura ka, mae-expose ka rin sa kulturang lokal kapag nagpunta kang palengke. Dito ka na rin bumili ng pasalubong kung gusto mo.
In nanay’s words: “Mag-pose ka nga rito, anak!”
Para sa nanay mo, ikaw ang pinakamaganda sa lahat. Kaya naman, huwag kang mahiyang mag-selfie sa lahat ng lugar. As in sa lahat ng lugar, ha. Sa airport. Sa hotel lobby. Pati na rin sa harap ng 7-Eleven. Sa kotseng nasa kanan ang manibela. Sa tabi nung punong pink yung dahon. Kasama nung baby na blue yung mata. Go, bes. Push mo ‘yan para kay nanay!
Basahin din: How To Take Good Photos When You’re a Solo Traveller
In nanay’s words: “Mag-ingat ka, ha! Wag magpagabi.”
Delikado ang mundong ito, lalo na kapag nagdidilim. Sabi nga ni nanay: Mag-ingat. Maraming masasamang tao. Maging alerto palagi. Magdala ng payong para may panangga ka. Umuwi ka bago mag alas-diyes ng gabi.
In nanay’s words: “Ubusin mo yan, maraming bata ang nagugutom.”
Tikman lahat ng bagay. Lahat! Hindi naman tayo tumataba, eh. At least, yun ang sinasabi ni nanay: Nangayayat ka na naman! Kumain ka nga!
Kung tumaba man tayo, matutuwa naman siya. Kailangang ubusin lahat ng pagkain kasi maraming bata ang nagugutom. Rice is life, kasi pinaghihirapan ito ng mga magsasaka.
O ano? Siguradong ito ang paboritong travel tip mo mula sa nanay, ano? Hindi kumpleto ang travel nang walang food trip, bes!
In nanay’s words: “Mas mura ‘yan sa Divisoria!”
Masarap gumastos sa souvenirs, pero pinapaalala ng mga nanay natin na hindi lahat ng binebenta sa souvenir shops ay worth it. Bago ka bumili ng kung anu-ano, isipin mo muna ng mabuti. Convert mo sa peso kung may time ka. Baka naman mas mura at maganda pa ‘yan sa Divisoria.
In nanay’s words: “Mata ang ginagamit sa paghahanap, hindi bibig!”
Ito na naman isang super power ni nanay, eh: Kaya niyang hanapin lahat ng nawawalang bagay. Kailangan na rin nating matutunan ito. Matutong magbasa ng mapa. Kung walang pag-asa, matutong gumamit ng GPS. Hindi na dapat tayo nawawala. Matatanda na tayo. Gamitin ang mata, hindi ang bibig.
In nanay’s words: “Hindi tinatae ang pera!”
Bilang nag-aadulting na tayo, naiintindihan na nating hindi napupulot ang pera. Siguro naman natutunan na natin kung paano tumawad kung maigi nating pinapanood ang mga nanay natin sa tiangge. Alam na rin dapat natin kung sulit ba ang isang bagay. Push mo na ang pagiging budgetarian mo para proud si mama sa’yo. Sali ka na sa Facebook group na ‘to para makamura ng flight deals.
In nanay’s words: “Kaya mo yan, anak. Ikaw pa.”
Si nanay ang biggest fan natin. Minsan, nakalilimutan natin ang ating angking galing. Pero, ipaaalala ni nanay na kaya natin ang lahat. Dapat naniniwala tayo kay nanay. Sila ang pinakanakakakilala sa atin, eh. Sila rin ang nakakaalam ng tunay na hirap at sakripisyo, dahil superheroes sila.
Basahin din: 10 Things You Can Do in the Philippines For Your Mom on Mother’s Day
Salamat po sa mga nanay namin! Dahil sa inyo, gumaling kaming maglakwatsa.
Isinalin galing sa (translated from): Nanayisms: 10 Travel Tips Filipinos Learn From Their Nanays
Satisfy your Spanish cuisine cravings!
Don't miss this hot seat sale!
Everything is now digital!
Up, up, and away this May!
Including a massive Leeroy New installation.
A journey through old-world Manila.