8 Places in Southeast Asia Para Mag-Move On, Mag-Reflect, at Magpaka-Main Character

Ibinuhos mo na ang lahat ng pagmamahal mo. Ibinigay mo na ang effort, oras, pasensya, at pati na rin ang emotional support na pang-therapist level. Tapos, iniwan ka lang din niya. Masakit? Oo. Nakakahiya bang umiyak sa banyo habang may sad playlist? Hindi. Tao ka, hindi ka bato.

Ano nang gagawin mo ngayon, kaibigan? Magre-rewatch ka na naman ng old chats? Magla-last seen check? Magpo-post ng cryptic Story na obvious namang para sa kanya? Besh, tama na. Kaysa paulit-ulit mong saktan ang sarili mo, mag-impake ka na lang. Hindi namin sinasabing magic cure ang travel, ha. Pero minsan, kailangan mo lang lumayo sa mga lugar na punong-puno ng memories para gumawa ng bago.

Ang tanong ay hindi na, “Makaka-move on ba ako?” Kasi kakayanin mo. Ang tanong ngayon ay: “Saan ako pupunta para hindi ko siya maalala kada kanto?” Ito na. May listahan kami.Basahin din ito: Bakit Solo Travel Ang Pinakamagandang Paraan Para Maka Move On

(Mahalagang paalala: Ang pagta-travel ay nakatutulong gumamot ng broken heart dahil inilalayo ka nito sa mga alala niyo ng ex mo sa pamamagitan ng pagbibigay sa iyo ng bagong mga alaala. Huwag mag-travel para humanap ng rebound. Bad ‘yun!)

1. Sagada, Philippines

“Where do broken hearts go nga ba talaga, Tita Whitney?” Ayon kay Mace ng That Thing Called Tadhana, sa Sagada. Oo, besh, sa Sagada pa rin. Dito mo mararamdaman na hindi lang puso ang nanlalamig, pati hangin. Ang kaibahan lang, masarap ang lamig ng Sagada. Hindi nanggo-ghost. Hindi nanggugulo. Yayakapin ka lang nang tahimik.

Kung gusto mo ng sea of clouds moment, i-check muna ang current access sa Kiltepan o pumili ng alternative viewpoint tulad ng Marlboro Hills. Either way, dala ka ng jacket, tissue, at konting dignity. Baka doon mo mailabas ang iyak na three months mo nang pinipigil.

Basahin din ito: Restaurants in Sagada: 10 Places to to Eat, Drink, and Chill

2. Bali, Indonesia

Kung mas bet mo naman magpaka-international, kay Liz Gilbert ng Eat Pray Love (2010) ka sumunod. Binaliwala ka? Mag-Bali ka! Mag-pakalunod ka rito sa self-care: magpahilot ka, maligo ka sa flower bath, matuto kang mag-yoga… Humanap ka ng paraan para maibalik mo ang tamang estado ng utak at puso mo. Alagaan mo sarili mo, bestie. Kung hindi niya kayang mahalin ka ng tama, mahalin mo ang sarili mo. You deserve it.

Basahin din ito: How a Virgin Solo Trip to Bali Healed My Broken Heart

3. Hoi An, Vietnam

Alam mo naman na siguro ang ultimate advice para sa mga brokenhearted: Mag-move on ka na sa sakit, pero huwag mong kalilimutan ang mga aral na natutunan mo sa relasyon niyo. Pero friend, itigil mo na ang kaiisip kung saan ka nagkamali. Hayaan mo munang mag-hilom ang puso mo. Kung hindi ka mapigilan sa kaba-backread ng mga chat niyo, magpunta ka na lang sa Hoi An. Sa ancient towns nila, pwedeng pwede mong balikan ang nakalipas — tutal, hobby mo naman, diba?!

4. Pai, Thailand

Tandaan mo: Maganda ka. Le-level ka rito sa Pai. Dito mo dalhin ang pag-awra mo bilang marami silang naggagandahang ilog, talon, at batis. Mafa-fall ka sa Mhor Phaeng Waterfall o Pmbok Waterfall. Hahanga ka sa Pai Canyon. Sa The Land Split, malalaman mong hindi lahat ng split, pangit. Ano na? Ilang hugot pa ba ang gusto mo?

5. Luang Prabang, Laos

Laos na ang ibigan niyo, pero ang passport mo hindi pa? Dalhin mo na ang sarili mo sa Luang Prabang. Sabi nila, ito raw ang lugar na makakapag-solo travel ka ng payapa. Magkape-kape ka sa isa sa mga kapehan na overlooking ang Mekong River. Akyatin mo ang Mt. Phou-Si. Magnilay-nilay ka sa mga templo. Lumafang ka!!! Lahat ng kailangan mo para maka-move on ay nandito na. Kaya i-push mo na.

Basahin din ito: My Laos Travel: Why I Fell In Love With the Land of a Million Elephants

6. Batanes, Philippines

Image credit: Jeremy.alinea

With the wind caressing your face, Batanes will make you feel loved and adored. Makakapag-reflect ka ng tunay habang nandito ka sa tahimik na Batanes. Imbes na magmukmok ka sa kwarto mo, mag-travel ka patungo rito nang masilayan mo ang kagandahan ng kalikasan. Akyatin mo ang mga bundok. Panoorin mo ang karagatan. Pakinggan mo ang mga ibon. Kausapin mo ang mga tao. Napakalaki ng mundo, kaibigan. Hindi ka nag-iisa.

Basahin din ito: This is Why Batanes is Unlike Any Other Place I’ve Been To

7. Siargao, Philippines

Image credit: I Travel Philippines

Tunay ngang nakatutulong sa sawi ang surfing. Seryoso. Been there, done that. Hindi mo na kailangan lumayo pa para rito. Pumunta ka nang Siargao — Erich Gonzales approves. Habang nasa isla ka, obserbahan mo kung paano umagos ang dagat. Panoorin mo ang mga alon. Tignan mo kung paano sila mabuo, mabasag, at mabuo muli. Syempre, matuto ka ring mag-surf! Ito na siguro ang ultimate sport na magtuturo sa iyo kung paano tumayo nang paulit-ulit matapos mong mahulog at masaktan.

Basahin din ito: Why Surfing is the Best Way to Move On

8. Myanmar

Kumpara sa ibang bansa sa Timog Silangan, hindi gaanong sikat sa turista ang Myanmar. Kailan lang nang buksan ng bansang ito ang pinto niya para sa mga turista, at makikita mong isa siya sa pinaka-authentic na bansang mabibisita mo. Napakagandang oportunidad dumayo sa Myanmar bilang mabubuksan talaga nito ang iyong mga mata sa ibang kultura. Dito, makalilimot ka ng problema. At, mai-in love ka muli… Hindi sa tao, kung hindi sa lugar.

*Bonus countries (South Asia):

Bhutan

Image credit: Ani Modak

Narinig mo na ba ang kwento ng babaeng nag-travel papuntang Bhutan at nakahanap ng love life? Pinakasalan niya ang tour guide niya! Syempre, hindi naman iyon ang goal natin. Pero nakakakilig din, diba? Aminin mo. Siguro may something talaga rito sa Bhutan na medyo magical. Alam mo bang ito rin ang bansa na tinaguriang Asia’s Happiest Country?

Annapurna Circuit, Nepal

Sabi nga ni Miley Cyrus, “Ain’t about what’s waiting on the other side… It’s the climb.” Hindi niyo man naabot ng partner mo ang lahat ng pangarap niyo nang magkasama, magpasalamat ka na lang na nakasama mo pa rin siya sa ilang masayang moments niyo together. Alalahanin mo ito habang naglilibot ka sa Annapurna Circuit sa Nepal. Maraming bundok diyan, at hindi lahat ay maaakyat mo. Pero minsan, worth it na iyong makita mo, pangarapin mo, at enjoy-in mo sa moment.

Plus points for Nepal: Napakamurang bansa nito. Hindi mo kailangan ng travel buddy na kahati sa gastos. Strong, independent (wo)man ka rito.

Basahin din ito: I Spent Two Months at the Beach to Cure a Broken Heart & Here’s What I Learned

Magandang paraan ang pagta-travel para huminga, mag-isip, at maalala na may buhay pa pala sa labas ng heartbreak mo. Hindi nito agad buburahin ang sakit, pero bibigyan ka nito ng bagong tanawin, bagong kwento, at bagong dahilan para bumangon.

Malay mo, sa biyahe mong ito, mahanap mo rin ang bagong one true love mo: hindi tao, kundi sarili mo. Ay, wow. Character development.